رسائل ندم وحزن

advertisements

اضافة مسج

اضافة مسج جديد
يمكن اضافة مسج جديد حتى يستمتع بة الاخرون

advertisements

إبحث

رسائل ندم وحزن

مسجات واي - مسجات جوال - رسائل > مسجات حزينة - رسائل حزن - SMS حزن > رسائل ندم وحزن




 
غيبتي طالت ولاهمك جفاي
وكنت عايش في امل تسأل علي
من غلاك احسبك عايش في رجاي
وانت ماهمك ولو طال زعلي
انت مالك ذنب هذا من غباي
ناسي واحسبك تتغلى علي






أنا عايش مع العالم وكل الهم في صدري
احاول اخفي دمعي عن اللي يحبوني
اجامل من يكلمني وضحكي كله من قهري
ولا منه خلا جوي هلت دمعة عيوني
انا ماقتل قلبي سوى غالي رحل عني
عطاني الحب بالاول وتالي الامر خلاني





مدري ادين الوقت والا ادينك
ودي اشتكي له مدري اشكيه بعتاب
ودي اطيح من التعب في يدينك
اصبحت اشوف الناس من حولي اغراب






في عز ماكنت محتاجك تخليني
هذا جزاء الطيب والمعروف يالغالي
تدري في قربك تموتني وتحييني
اليوم بالذات تكفى لا تجافيني
محتاجك اكثر واكثر من نظر عيني
الله يعلم وش اللي صاير فيني
ابيك تجمع حطام اللي انهدم فيني
انا دخيلك علي ضاقت احوالي






وش ناوي؟؟ وليه انت علي قاسي!!
كفايه تشعل النيران بقلبي وتجرح احساسي
حسبتك اعز انسان هديتك اعذب الالحان
تحابينا مثل الاخوان
تسامرنا مثل خلان
تزاعلنا وتراضينا
الا هالمره ترى غلطان
طعنت القلب وخليته يعاني نزف والم حرمان
وذوقته العذاب الوان
حسافة فوق كل هذا تجيني
بصورة الولــهان
وبكل بساطة تقول اعذرني ترى
"ندمــــــــان"




انا جيت اعشقك نبض ومشاعر مااعشقك تمثال
اناجيت اسكنك واحياك وابقى فيك وابقى لك
انا جيت استفز رضاك من فرقاك والجا لك
انا ماهمت بك عاقل انا كنت اعشقك بخبال
انا ماكنت احبك حي انا كنت اعشقك هالك
ابي قلبك يحس انه فقد بمحبته انسان
ملكته من هدب عينه وخسرت رضاه بهمالك
صحيح ان الفراق اقسى ولكن الوصال محال
وانا صعب علي ارضي غرورك واضعف قبالك





لاتعذر وتقول ماني بغلطان
عذرك ياروح روحي صار اعتيادي
الله وكيلك مابقى شئ مابان
ميت مشاعر لاحشى منت انسان
ارحل وهاجر وابتعد قدر الامكان
الحب لبسته ثياب الحدادي
" سبحان الذي يغير الناس سبحان"
مغرم عرفتك واتركك حييييل هــــــادي





اناعيني بدت تدمع واشوف الدمع مو عادي
اشوف الدمع لون احمر
واحس القلب يتوجع وانت بطبعك الهادي
وقلبك حييييييل متحجر
اذوق المر واتألم وأقول يهون واتبسم
لكن قلبك القاسي صدمني وبعثر اوراقي
ارمي الورد في دربك
وترمي الشوك في دربي
رجيتك لا تعذبني رجيتك لا لاتهجرني
حس بحالتي ارجوك وبادلني الغلا مرة





غريبة ماسألتي عن غيابي ولا همك بهالدنيا عذابي
كاني في سما دنياك غيمة سحايه صيف من ضمن السحابي
تناسيتي الغلا واشواق قلبي ودفنتي الحب في جوف الترابي
وبعد مامات اضويتي شموعك
شموع افراح نصرك في غيابي
سالتك ايش ذنب الحب يقتل!!!
لزمتي الصمت وماقلتي الجوابي!!


اذا كنت ناسيني
والرساله ذكرتك فيني
احذف الرساله
وارجع انساني

***********

ازعجنـي الليـل والتفكيـر وضنونـي
وازعجت نفسي وانا أضغط على أعصابي
ماطاح وضع الغلا مـن داخـل عيونـي
رغم الالم والظروف وسطـوة أحبابـي
ان قلـت ابزهـم عليهـم لا يخلـونـي
وقف غرووري مابين الجفـن واهدابـي

***********
وشفيك ! لامنّي بغيتـك تهرّبـت؟
وهدّيت حيلي بالمشي فـي دروبـك
لا شرّقت رجلي عن الدرب غرّبت
وإن أشملت رحت ومشيت لجنوبـك
ولاجيت ألمّك من يديني تسرّبـت
وإن بان مشراقك صدمني غروبـك

***********

صدق من قال يادنيا أبد مالك أمان بيـوم
ولا للصاحب بقلبـك مكـان ولا تلومينـي
أنا ما جيت ابعاتب يكفينا عتـاب ولـوم
ولا بشره على منهو مع العربـان جافينـي
أنا جيت اسأل الظالم سؤالٍ ردده مظلـوم
تظن ارتحت بعد اللي جرا مابينك وبينـي؟

***********

اذا طلع لك قلب وعرف تشتاق
تعال دورني تلقاني مكاني
وان كان قلبك نايم ما بعد فاق
خله الين يفوق مع جرح ثاني
ابشرك ما عاد يوجعني فراق
واقسى وجع فيني يزول بثواني

***********

تبغاني اسلى عنك
واجفاك وانساك
عطني مثل قلبك واسوي سواتك‍

***********

كنت بعيوني
غلاتي
كنت تسوالي
حياتي
للاسف كانت
اماني
لاكن خسارة
تضحياتي
الله يسامحك
رووووح
بس يكفيني
جروووح

***********

أضحــــــك
مردك بيوم تواجه الدمعه
إما على جيتي،،
ولا على فراقي..

***********

آسف إذا لك قلت انسى زماني
مهو بيدي قلبي اليوم ناسيك
حبك نسيته يوم قلبك جفاني
أبعد وانا أبعد ولا لي بطاريك
شلون احب انسان طبعه اناني
لا مايصير تبيع فيني واشريك
اتبع طريقك خلني في مكاني
يكفي جروح منك الله يخليك
ياما بكيتك لين دمعي نساني
ياما ترجتك ولا فايدة فيك
الحن جيت تقول انسى عشاني
جابك زمانك خلك اليوم
(ما أبيــــــــك)..

***********

كافي صدمات بحياتي
جاي تصدمني بعد
والله هالدنيا غريبه
وش بقى فيها بعد
مابقى غير الجراح
وقلبي اللي ماستراح
عادي متعود حبيبي
حظي ياما طاح
غلطتي الطيبه ذبحتني
شوفها ودتني وين
اتضايق حيل منك
وأضحك وقلبي حزين..!!

***********

هذا حظي
انت والدنيا دوووم ضدي
ماني مخطي
كل مافي الموضوع
احبك
وانت جارح ودي..

***********
الحب كلمه عظيمه
كلها احساس ومشاعر
ماهو من قال احبك
وعقبها يجرح الخواطر

***********
انا عمري بقايا شمع
احرقني الاسى والدمع
اذا مافيك ترحمني
احرق مابقى مني...

***********

علامك مهملني؟؟
وفي رفك انا تذكار..
إذا كان الهدف بعدي..
انا حاضر وممنونك

***********

أنا اللي قبلك مضحي..
ولاتحتاج لشرحي...
تدري ياسبب حزني وسبب جرحي...
ايدي اللي كتبت اسمك
بدت تمحــــــــــــي

***********

بصراحة كنت متعود أعيد هالسنة عيدين
ولكن هالحين..
فراقك ثالث اعيــــادي

***********
هديت عرش الحب بيديك ... تبيعنا واليوم تبكي علينا..
ذاب الحنين بعين وقلب يراعيك... مثلك على النسيان والله قوينا..
ابحفظ عزة النفس ما ابيك... بالناس نلقى من نبيه ويبينا...

***********
عادي معاك ابقى
وعادي اخليك
مثلك مثل غيرك
مجرد صداقه

***********
والله اني من فراقك
مابكيت
من زينها دنياك
عشان ابكي عليها

***********
عندي سؤال وخابرن فيه
تجريح !!
لكن ضروري
تسمعه بأنبساطي
أرفعك بيدي للسما
ترجع تطيح?
قلي شسوي فيك
لاصرت واطي

***********
تنداس دنيا الحب
بتراب تنداس
وينداس قلب
ما وفى مع خويه

****************
اليوم قدرك مايسوى
ماطا الاقــــــدام
حبك بقلبي مــات
وأعلن رحيله

*************

عطني قلم بأكتب على
القلب ناسيك
حتى اليا منه تذكرك ينساك
خلاص عقب اللي حصل منك
مابيك
ومادمت أنا اهنيه فارقني
أهناك
غلطة حياتي يوم تقفي
واناديك
لكن بترجع يوم واقوووول
منااااااااااااااااااااك

*****************
بعد الخيانه انتهت رغبتي فيك
وان كنت تذكرنا ترانا نسياك
يشهد علي الله لاحل طاريك
يروق قلبي لكن أذكر سواياك

*****************

لاتنصدم لاقلت انا اليوم مابيك
القلب عافك وانتهى اليوم دورك
اعميتني بحبك عسى الله يعميك
ورميتني يازين باعمق بحورك
يالله توكل لاتجيني ولاجيك
يالله حبيبي قوم رتب امورك

*******************

لاتكثر بحكيك ترى دربك اشواك
ياحافي الرجلين ثمن كلامك
واذكر زمان اول وايام بلواك
من سنعك للناس وعدل مقامك
لايفلت إلسانك على شخص رباك
انا بنيتك وماني عاجز على اهدامك

*****************

الله يرحم حبنا اللي قتلتـــيه
جفت دمومعي والبقا في حيــاتك
ياللاسف كل الاسف مابكيتيه
انتي الغرور اعماك مع حب ذاتك
انتي بديتي الحب وانتي نهيتيه
اقري عليه الفاتحه في صـــلاتك
مرة لبستي الحب مره فصختيه
هذا الهوى لاتحسبينه عبـــاتك

***************

قررت انا هجرك وقررت انســـاك
وسديت باب كنت لك هو بنـــيته
ماني بمثل اول احبك واهـــواك
ليت حبي مات من قبل ليتـــه
خلك تحسف موت من حر ماجاك
ياواحسافه على حبي اللي عطيته

***************

دار الزمان وشفت فيه
العجايب


شفت الغلا والبين
والزين والشين


شفت القلوب الحاقده
والحبايب


واللي يعيش بوجه
واللي بوجهين


تلقا الجفا والصد طبع
القرايب


وإلا الوصل والطيب
طبع البعيدين

***************

بحثت عنك ، ولا لقيتك مع الناس .. وين أنت ؟ياللي ماتصون الموّدة
ان كان شح الوصل يازين لاباس .. والله لاجازي صدتك لي بصـــده

******************


أحتجت لك في ضيقتي مالقيتك
وقضيت ليلي بين همي وفرقاك
واليوم جاي تقول لي هاااه جيتك
وش فايدة اني لارقت بلقاك!

******************

لا صارت هذي علومك
راح تخسرني
ماعمر احد راح
من كيفه وناديته
عند الكرامه ابيعك
وانت خابرني
الله وكيلك ترى كل
شي مريته
كانه هجر بالسلامة
روح واهجرني
اخوي وهو اخوي لاصد
عني ماترجيته ..

****************

شفتك مع اللي صار عقبي حبيبك
واحتارت الدمعه بعيني وصديت

*****************

مري شمال أن كان ودك تمرين
مري على قبري وشوفي محله
وأن كان ودك فوق قبري تصلين
إليا سجدتي فلي الراس كله
أشم ريح مثل ورد البساتين
جسم كلاه الدود وصلك يبله
وعند الوداع خطي على القبر حرفين
مرحوم يا اللي صاحبه ما حصله


****************

ياللي تقول أنس الذي راح ترتاح
تراك كنك بالمقابر تنادي
اللي وطى الجمرة ومن حرها صاح
يضحك عليه اللي بظل وبرادي
الليل كله ماتهنيت بمراح
يسري بي الهاجس فكل وادي
أستعرض الماضي بحلوه والأملاح
وفلمه على شاشة خيالي يعادي


**************


راسك علامك رافعه يوم أحاكيك
الظاهر أني فوق حجمك عطيتك
لحظة نبي نرجع دقيقه لماضيك
بذكرك في أي حاله لقيتك
كان الضياع ودمعتينك تخاويك
منهار وفي عز أنهيارك خذيتك

*****************

طلعتي الشيب في راسي قبل حله
أنا اصبغ الشيب وانتي توك بنيه
ياناس دربي عجزت القاه وادله
هالبنت ماهي طبيعية خيالية
لاقلت وش فيه عقلك صابته خله
قالت وهي تلتفت صوبي
كيفي ((سيهاتية))

*************


ياما نصحتك و قلت البنت لعابة،،
تستاهل اللي يجي لك من سبايبها...


شعارها للمحب "كل شي بحسابه"،،
و إن طحت لا صبتها ولا انت سايبها...


وإن جيت للصدق تراها صدق كذابة،،
و أول دليل <<إني واحد من حبايبها>>

*************

بكرةإذاقال القدرفي دنيتي قوله
وأرخيت جفني على مركبه وشراعه
الموت بكرةإذا عانقت مرسوله
وأهديت له كل عمري وداعه
وصلتك أوراق بحروف الدم مكتوبه
وتصرخ ياليت ماضيقت صدر(فلان)ساعه

**************

السؤال يعيد نفسه والإجابة مبدئية ..
هو صحيح ان القصايد لجريح أول عذابة ؟
ماعطتني غير الجرح ولعنبوها من عطيه..
والله انك ماعطيتي خير للقلب وصوابه..
ياقصيدي لو بقى للشعر في صدري بقيه..
بكتبه وارسم خيالي للورق واروي سرابه..

************
والله لخلي عزتك تحت ماطاي
تمشي وعينك ماتعدا مواطيك
ابيك درس لكل خاين ونساي
وافهمك قدرك وقيمة مباديك
والله لهينك لين تبكي تبي رضاي
ذليل تكسر عين منهو يراعيك

***********
آخر رساله
خلها اليوم تذكار
لاعاد تذكرني
تراني نسيتك....
*******************




معلومات المسج:

العنوان: رسائل ندم وحزن
الوصف:
أضيفت بتاريخ: 8 سبتمبر 2009
تقيم!: 3.00 3.00 3.00 3.00 3.00